Giovanni Meli

Dimmi, dimmi, apuzza nica

Dimmi, dimmi, apuzza nica, 
unni vai cussì matinu?
Nun c’è cima, chi arrussica,
di lu munti a nui vicinu;

trema ancora, ancora luci            5
la ruggiada ‘ntra li prati; 
dun’accura nun ti arruci
l’ali d’oru delicati.

Li ciuriddi, durmigghiusi
‘ntra li virdi soi buttuni,              10
stannu ancora stritti e chiusi
cu li testi a pinnuluni.

Ma l’aluzza s’affatica!
Ma tu voli e fai caminu.
Dimmi, dimmi, apuzza nica,       15
unni vai cussì matinu?

Cerchi meli? e s’iddu è chissu,
chiudi l’ali e ‘un ti straccari;
ti lu ‘nzignu un locu fissu,
unni ài sempri chi sucari:            20 

lu canusci lu miu amuri,
Nici mia di l’occhi beddi?
‘Ntra ddi labbri c’è un sapuri
na ducizza chi mai speddi;

‘ntra lu labbru culuritu               25
di lu caru amatu beni
c’è lu meli chiù squisitu:
suca, sucalu, ca veni.
 

[ Dimmi, dimmi, piccola ape, dove vai così presto al mattino?Non c’è cima che si colori di rosso, sul monte vicino a noi; tremaancora, brilla ancora la rugiada nei prati: stai attenta a non bagnartile ali d’oro delicate. I fiorellini, addormentati nei loro verdi boccioli,stanno ancora stretti e chiusi, con le teste che pendono. Ma l’alucciasi affatica! Ma tu voli e fai tanta strada. Dimmi, dimmi, piccola ape,dove vai così presto al mattino? Cerchi miele? Se è questoil motivo, chiudi  le ali e non ti strapazzare: te lo mostro io unluogo fisso dove hai sempre da succhiare: lo conosci il mio amore, Nicemia dagli occhi belli? Tra le labbra c’è un sapore, una dolcezzache non finisce mai; dentro il labbro colorito del tuo innamorato c’èil miele più squisito: succhia, succhialo che viene.]